Wo mile hame ek sapne ki tarah,
Wo bichde hamse aasuon ki tarah,
Hum mile unse humdard ki tarah,
Aur wo mile hamse ajnabiyon ki tarah. |
Har sitara yaad uski dilata hai,
Har manzar mein chehra uska dikh jaata hai,
Kis mod pe aa khadi hai zindagi meri,
Use jitna bhulaun wo utna yaad aata jaata hai. |
Aakhein bhar aayi naam uska suna to,
Saasein phir se tham gayi naam uska suna to,
Ek pal ko bhool baithe the dard is dil ka,
Phir se yaad aa gaya naam uska suna to. |
Zindagi to jaise dard ka ek dariya ban gayi hai,
Har pal jaise ek saza ban gayi hai,
Log kehte hain mohobbat to naam hai zindagi ka,
Hamare liye to ye sabse badi saza ban gayi ha |
Apni yaadon se hame sata raha hai koi,
Yaad apni pal pal dila raha hai koi,
Zindagi bhar ke saath ka vaada kiya tha kabhi,
Aaj hamari aakhon mein aasu bankar bahe ja raha hai koi. |
Jaane kyun yaad aa jaata hai wo,
Jane kyun pal pal rula jaata hai wo,
Use pyar kiya sabse badhkar maine,
Mere pyar ka mazaak banakar khele ja raha hai wo. |
Dil ne mere khwab dekhe tere,
Aakhon mein teri sapne dekhe the maine,
Mere labon ki hasi ki dua karne waale,
Kya tujhe ab nahi dikhai dete ye bheege ashk mere? |
Kya karun ae mere dil bata,
Kyun rahun mein usse juda ye to bata,
Wo to chhod gaya tanha mujhe,
Mein kaise bhulun use ye to bata. |
Juda hokar bhi yaad pal pal aata hai wo,
Apni yadon se rula jaata hai wo,
Hum to rehte the khushiyon ke saye mein,
Ab apni yadon se pal pal rula jaata hai wo. |
Tanha safar kaate to kaise,
Unki yaadon ko dil se nikale to kaise,
Wo to bhool gaya hame pal bhar mein,
Jise dil se lagaya humne, use dil se nikalein kaise? |
|
